تجربة المسار الهندسي في جامعة الدمام

بسم الله الرحمن الرحيم

السلام عليكم ورحمة الله وبركاته

في البداية انا أسماء من جامعة الدمام - مسار هندسي 

حبيت اشارككم تجربتي مع التحضيري بحكم اني السنة اللي فاتت لما كنت بموقفكم كنت ابغى شيء زي كذا 

أول شي ابغى اقوله هو الهندسة ما تطلب منك انك تكون رسام او بلبل في الانجليزي لانها اشياء راح تكتسبها في التحضيري إن شاء الله لكن وجودها راح يساعدك اكيد. 

الهندسة انا اشوفها إلهام و شغف و حب و تغذية بصرية قبل كل شيء و اللي اقصده هو انك تتفرج ع صور كثيرة تخص هالمجال او حتى تقرأ عنه، خلونا نبدأ بالترتيب: 

في البداية راح يسوون لكم اختبار تحديد مستوى E و على أساسه راح تنحطون في الشعب + اختبار تحديد مستوى رياضيات لكن ماله أي تأثير. 

الترم الاول: 

اخذنا ٥ مواد ( E عام - مرسم - رياضيات - مهارات البحث - بدنية )

الدوام كنا عندنا يومين نطلع ٥ و باقي الايام ٣ او ١٢، كان عندنا بريك رسمي من ١٢ الى ١، و يوم الثلاثاء من ١٠ الى ١٢ يكونون ساعتين للانشطة و احياناً للاختبارات.

‏١)E: 

الانجليزي اشوفه مادة مهمة بما ان اغلب الدراسة راح تعتمد عليه، كان ٤ ساعات باليوم و بينهم بريك نص ساعة ( مقسوم ساعتين للقراءة و الكتابة و ساعتين للاستماع و التحدث)، المفردات كانت كثيرة فيه و تحتاج مراجعة لكنه في المقابل سهل و خفيف، بدأنا بكل شي حبة حبة مثلا الكتابة بدأنا بكيف نكتب قطعة قصيرة و الاساتذة جداً طيبين و متفهمين و يراعون لو كان عندك ضعف، دائماً خلوا علاقتهم فيهم قوية عشان تقوون لغتكم، جنسياتهم مابين هنود و امريكان و بعضهم سعوديات لكن لا يتحدثون عربي ابد. 

بالنسبة للاختبارات هي مادة سنوية يعني اختبارها في الترم ٢ لكن فيه اختبارين (2 Tests ) كل واحد فيهم ١٠ درجات. 

٢)المرسم: 

هاذي المادة عبارة عن اساسيات التصميم و الهندسة كانت مرة في الاسبوع لمدة ٤ ساعات جزء منها نظري و جزء منها عملي، تدرس بالعربي لكن المصطلحات E في البداية راح تتعلمون اشياء بسيطة زي الزخارف الاسلامية، و لا تشيلون هم لانه حتى النقطة و الخط راح تتعلمون كيف ترسمونها، بعدها راح تبدون المشروع النهائي و اللي عليه ٣٠ درجة طبعاً هو الفاينل لانه مافيه منه اختبار نهائي تحريري، هو عبارة عن رسومات هندسية لاشكال مجردة، فيه اختبار ميد تيرم واحد و جزء منه عملي و جزء منه نظري عليه ١٠ درجات، المادة جداً جميلة صحيح الدكاترة شديدين لكن متمكنين استفيدوا منهم قد ما تقدرون.

بالنسبة لهاذي المادة انا انصحكم تعتمدون ع نفسكم فيها لان الترم الاول راح يكونون معاكم خطوة لكن الترم الثاني لا راح يخلونكم تعتمدون على نفسكم اكثر، و دائماً حاولوا تطلعون اكثر من فكرة الى ان توصلون للشي اللي ببالكم، وتقبلوا نقد الدكاترة صحيح احياناً مزعج لكن حاولوا تعرفون كيف تتعاملون معاه وتذكروا قبل كل شي انه مو نقد شخصي، متأكدة راح تسمعون كلام كثير سلبي عن هاذي المادة بالذات و غيرها من المواد لكن سكروا اذانيكم و امشوا. 

٣)رياضيات: 

تدرس بـ E لكن لو كانت الدكتور/ة عربية راح تلقون جزء من الشرح عربي، هو عبارة عن رياضيات الثانوي لكن بـE مع زيادات بسيطة، محاضرتين في الاسبوع وحدة مدتها ساعتين و الثانية ساعة، يوجد اختبارين (2 Tests ) كل واحد ١٠ درجات + ٥ كويزز تقريباً كل واحد ٥ درجات( واحد منهم اون لاين) + الواجبات تكون اون لاين كل اسبوع واجب + اختبار نهائي ٤٠ درجة . 

٤)مهارات البحث: 

مادة بسيطة جداً تُدرس بالعربي ( السنة القادمة بـE) تتعلمون فيها كيف تعدون بحث علمي، محاضرة وحدة في الاسبوع و مدتها ساعتين و يوجد فيها اختبار نهائي فقط من ٤٠+ يوجد بحث علمي في مجال الهندسة ( مجموعات او فردي) ٣٠ درجة. 

٥)البدنية: 

مادة ممتعة و بسيطة كانت زي البريك لنا من تعب الدراسة، محاضرة وحدة في الاسبوع لمدة ساعتين كان جزء منها نظري و جزء منها عملي، الجزء العملي عبارة عن تمارين كنا نسويها و اختبار الميد تيرم عملي، اما الجزء النظري يكون داخل في النهائي ٤٠ درجة. 

الترم الاول كان بسيط و انصحكم تجيبون فيه معدل عالي قد ما تقدرون، دائماً اسألوا الدكاترة لانهم يحبون اللي يسألون و يعرفون انهم جادين، و كونوا ناس معطائين لان الدنيا اخذ و عطا. 

الترم الثاني: 

اخذنا ٧ مواد ( E عام - E تخصص او اكاديمي - رياضيات ٢ - مرسم٢ - حاسب - فيزياء- مهارات اتصال)، يعتبر اثقل من الاول و محتاج مذاكرة اكثر و لكن لا يعني صعوبته. 

اغلب الايام كنا نطلع ٥ او ٤.

‏١)E عام: 

هو استكمال للي كان في الترم الاول، لكن عدد المحاضرات راح يقل بحيث يصبح ساعتين في اليوم و ليست يومية، راح يكون فيه Test واحد من ١٠ و اختبار فاينل من ٥٠. 

‏٢)E أكاديمي: 

راح يكون متخصص في الهندسة و التصميم و كذلك راح يركز على الكتابة مثل كتابة المقالات، يوجد فيه اختبارين تقريباً ( 2 Tests) من ١٠+ اختبار نهائي، المحاضرات ليست يومية و مدتها ساعتين. 

٣)رياضيات ٢: 

استكمال لرياضيات ١. 

٤)مرسم٢: 

في الترم الثاني راح يتم التركيز على التصميم المعماري، و راح يتم البدء على طول في رسومات المشروع النهائي، بالنسبة لي صحيح انه اصعب لكن اجمل بكثييير لاني حسيت بواقعيته و دائماً اقول للي حولي تخيلوا ان هذا المشروع ولدكم و اختاروا له الزين و الافضل دائماً، احنا طبعاً انقسمنا نصين ناس صممت كشك و ناس صممت كارافان ( كل طالب/ة له مشروعه الخاص) و بالنسبة للاختبارات نفس الترم الاول. 

٥)حاسب: 

المادة اشوفها سهلة بكل صراحة كانت بالنسبة لي زي البريك طبعاً مرتين بالاسبوع و مدتها ساعتين، تدرس بـE كانت عن الوورد و الاكسل و الاكسس و هالبرامج، بالنسبة للاختبارات كان فيه ميد تيرم واحد من ١٥ و عدد من الكويزز و فيه مشروع نهائي على برنامج الاكسس من ٣٠+ الاختبار النهائي. 

٦)الفيزياء: 

تقريباً مشابه لفيزياء الثانوي لكن بمستوى اعلى، انا اشوف ان المادة تحتاج مجهود و تدرس بـE، بالنسبة للاختبارات فهي نفس نظام الرياضيات. 

٧)مهارات الاتصال: 

مادة ابسط من البسيطة تتكلم عن مهارات الاتصال بواقع الحياة و تدرس بالعربي( لكن السنة القادمةE) لايوجد فيها الا اختبار نهائي من ٥٠ او ٤٠ اظن، و يوجد مشروع تطوعي ( مجموعات) من ٣٠، كانت محاضرة بالاسبوع مدتها ساعتين. 

بالاخير اعتذر على الاطالة و لكن انصحكم بالاجتهاد و الابتعاد عن اي كلام سلبي، و لا تأجلون اي عمل ابداً معليش ممكن تحسون بضغط و تعب و سهر لكن لذة الشيء ما تجي الا بعد التعب، و حبوا الشي اللي تدرسونه و انبسطوا فيه لانكم ما جيتوا في هالمكان الا لانكم تستاهلونه و قده ان شاء الله 🏻.

للتواصل معي: 

Twitter: @Asl_1235